Бишкек шаардык мэриясынын муниципалдык инспекциясынын кызматкерлери экологиялык тартип бузуучуга чара көрүштү. «Арча-Бешик» жаңы конушунун жашоочусунун үстүнөн арызданган Facebook социалдык тармагынын колдонуучусунун кайрылуусу менен жеринде көчмө жыйын өттү.

Муниципалдык инспекция катталган маалымат боюнча ыкчам чараларды көрүп, Н. А. аттуу жаран тыюу салынган заттарды, туш кагаздарын, ж.б. курулуш материалдарынын калдыктарын  өрттөгөнү аныкталды. Ага карата  Кыргыз Республикасынын "Укук бузуулар жөнүндө" кодексинин 115-беренесинин 3-бөлүгү менен протокол түзүлүп, 7500 сом айып пул салынды.

Белгилей кетсек, тыюу салынган таштандыларды күйгүзгөндөн чыккан кара түтүн адамдын ден соолугуна зыян келтирип, экологияга терс таасирин тийгизип,  Бишкек шаарыбыздын биологиялык ар түрдүүлүгүн жок кылууда.