Кыргыз Республикасынын Өзгөчө кырдаалдар министрлигинин маалыматы боюнча, жакынкы саатта жана 13-июлда күндүз Бишкек шаарында жана Чүй облусунда күн күркүрөп, каттуу шамал болушу күтүлүүдө. Шамалдын түштүк-батыштан соккон ылдамдыгы 15-20 метрге чейин жетет.
Кырсыктарды алдын алуу үчүн Бишкек мэриясы айдоочулардан унааларын бак-дарактардын жана жеңил объектилердин алдына токтотпоону суранат.
Урматтуу шаардыктар! Сак болуңуздар! Эгерде бак-дарактардын же башка нерселердин кулагандыгына күбө болсоңуз, 1840, 1850 жана 0554182185 WhatsApp номерлерине билдириңиздер.
