Бишкек шаарынын мэриясы борбор калаада туруктуу жашаган ар бир шайлоочуга УШКлар жабылганга чейинки убакытта тийиштүү шайлоо участогунда добуш берүү аркылуу конституциялык укугун пайдаланып шайлоого катышууга чакырат.
Бишкек шаарынын мэри Айбек Жунушалиев шайлоого катышуунун туруктуу маданиятын ырааттуу түрдө калыптандыруу, шайлоо процессинин жүрүшүндө белгилүү бир кош көңүлдүктөн арылуу зарыл экендигине терең ишенимин билдирет, бул акыр аягында коомдук-саясий өнүгүү үчүн терс кесепеттерге алып келиши мүмкүн.
Акыркы күндөрү жана бүгүн, шайлоо күнү борбор калаанын тургундарын бул жолу өздөрүнүн жарандык позициясын көрсөтүүгө жана шайлоо участкаларына барып добуш берүүгө көндүрүү максатында Бишкек мэриясы тынымсыз иш алып барууда.
Акыркы ушундай коомдук-саясий иш-чарага, Кыргызстандын жаңы Конституциясынын долбоору боюнча референдумга (24,3%) салыштырмалуу бүгүн, 18:00дө Бишкек шаарындагы Жогорку Кеңешке шайлоого (27 пайызга жакын) шайлоочулардын активдүүлүгүнүн жогорулашы байкалат жана шайлоо процесстеринин күчөшүнө үмүттөнүүгө негиз берет.