Бишкек шаарынын мэриясынын Мамлекеттик тилди өнүктүрүү бөлүмү:

- Кыргыз Республикасынын “Кыргыз Республикасынын мамлекеттик тили жөнүндө” Мыйзамын ишке ашыруу жана мамлекеттик тилди өнүктүрүү боюнча Бишкек шаарынын  мэриясынын аппаратынын, түзүмдүк жана аймактык бөлүмдөрүнүн иштерин координациялайт жана көзөмөлдөйт;

- бөлүмдүн компетенциясына тийиштүү маселелер боюнча, Кыргыз Республикасынын мыйзамдарын, Кыргыз Республикасынын Президентинин жарлыктарын жана буйруктарын, башка укуктук ченемдик актыларды Бишкек шаарынын мэриясынын аппараты, түзүмдүк жана аймактык бөлүмдөрү тарабынан өз убагында аткарылышын көзөмөлгө алат;

- Бишкек шаарынын мэриясынын аппаратынын, түзүмдүк жана аймактык бөлүмдөрүнүн кызматчылары үчүн мамлекеттик тилди үйрөтүү жана иш кагаздарын мамлекеттик тилде жүргүзүү боюнча окуу курстарды уюштурат жана өткөрөт;

- Бишкек шаарынын мэриясынын аппаратында, түзүмдүк жана аймактык бөлүмдөрүндө мамлекеттик тилди өнүктүрүүгө жана натыйжалуулугун жогорулатууга багытталган семинарларды, конференцияларды, тегерек столдорду уюштурат жана өткөрөт;

- Бишкек шаарынын мэриясынын түзүмдүк жана аймактык бөлүмдөрүнө тексттерди мамлекеттик тилге которууда кеңеш берүү жардамдарын көрсөтөт;

- Бишкек шаарынын  мэриясынын аппаратына, түзүмдүк жана аймактык бөлүмдөрүнө мамлекеттик тилди өнүктүрүү боюнча иштерди жүргүзүүдө усулдук  көмөк көрсөтөт;

 - Кыргыз Республикасынын мамлекеттик тилин өнүктүрүү  жана жайылтуу боюнча шаардык иш-чараларды, сынактарды уюштурат жана өткөрөт.

 "Бишкек шаарынын мэриясынын Мамлекеттик тилди өнүктүрүү бөлүмү" мекемесинин жобосу

1. Жалпы жоболор

      1. “Бишкек шаарынын мэриясынын Мамлекеттик тилди өнүктүрүү бөлүмү” мекемеси (мындан ары – бөлүм) Бишкек шаарынын мэриясынын аппаратында, түзүмдүк жана аймактык бөлүмдөрүндө мамлекеттик тилдин өнүгүшүн жүзөгө ашыруучу Бишкек шаарынын мэриясынын түзүмдүк бөлүмү болуп саналат. 

         2. Бөлүм өз ишин Кыргыз Республикасынын Конституциясына, Кыргыз Республикасынын мыйзамдарына, Кыргыз Республикасынын башка ченемдик укуктук актыларына, Кыргыз Республикасы  катышуучу болуп саналган, белгиленген мыйзам тартибинде күчүнө кирген эл аралык келишимдерге, Бишкек шаардык кеңештин токтомдоруна, Бишкек шаарынын мэриясынын токтомдоруна жана буйруктарына, ошондой эле ушул жобого ылайык жүргүзөт.

         3. Бөлүм “мекеме” уюштуруу-укуктук формадагы юридикалык жак болуп саналат, өз алдынча баланска, эсептик жана башка эсептерге, мамлекеттик жана расмий тилдерде өзүнүн аталышы бар гербдүү мөөргө, тийиштүү мөөрлөргө, штамптарга, өздүк эсепке, фирмалык бланктарга ээ, Кыргыз Республикасынын мыйзамына ылайык сотто доогер жана жоопкер болууга укуктуу.

         4. Бөлүмдүн юридикалык дареги: Кыргыз Республикасы, Бишкек шаары, Байтик Баатыр көчөсү, 17.

         5. Бөлүмдүн аталышы:

         - мамлекеттик тилде:   “Бишкек шаарынын мэриясынын Мамлекеттик тилди өнүктүрүү бөлүмү” мекемеси;

         - расмий тилде: Учреждение  “Отдел развития государственного языка  мэрии города Бишкек”.

2. Бөлүмдүн максаттары жана милдеттери

6. Бөлүмдүн ишинин максаты Бишкек шаарынын аймагында мамлекеттик тилди өнүктүрүүнүн бирдиктүү саясатын калыптандырууну жүзөгө ашыруу болуп саналат.

7. Бөлүмдүн негизги милдеттери болуп төмөнкүлөр саналат:

- мамлекеттик тилди өнүктүрүү, аны Бишкек шаарынын мэриясынын аппаратынын, түзүмдүк жана аймактык бөлүмдөрүнүн ишинде бардык тараптан жана толук колдонулушун камсыз кылуу;

- мамлекеттик тилди өнүктүрүү боюнча Бишкек шаарынын мэриясынын аппаратынын, түзүмдүк жана аймактык бөлүмдөрүнүн ишин координациялоо жана контролдоо. 

3. Бөлүмдүн негизги иш-милдеттери

         8. Бөлүм жүктөлгөн милдеттерди аткаруу максатында төмөнкү иш-милдеттерди жүзөгө ашырат:

         - бөлүмдүн компетенциясына тийиштүү маселелер боюнча, Кыргыз Республикасынын мыйзамдарын, Кыргыз Республикасынын Президентинин жарлыктарын жана буйруктарын, Кыргыз Республикасынын Өкмөтүнүн токтомдорун жана буйруктарын, Кыргыз Республикасынын Президентине караштуу Мамлекеттик тил боюнча Улуттук комиссиянын чечимдерин, Бишкек шаардык кеңештин токтомдорун жана буйруктарын, башка укуктук ченемдик актыларды, Бишкек шаарынын мэриясынын токтомдорун жана буйруктарын Бишкек шаарынын мэриясынын аппараты, түзүмдүк жана аймактык бөлүмдөрү тарабынан өз убагында аткарылышын контролго алуу;

         - Бишкек шаарынын мэриясынын аппаратынын, түзүмдүк жана аймактык бөлүмдөрүнүн кызматчылары үчүн практикалык сабактарды, мамлекеттик тилди үйрөнүү жана иш кагаздарын мамлекеттик тилде жүргүзүү боюнча курстарды уюштуруу жана өткөрүү;

         - Бишкек шаарынын мэриясынын аппаратында, түзүмдүк жана аймактык бөлүмдөрүндө мамлекеттик тилди өнүктүрүүгө жана натыйжалуулугун жогорулатууга багытталган семинарларды, конференцияларды, тегерек столдорду уюштуруу жана өткөрүү;

         - Бишкек шаарынын мэриясынын түзүмдүк жана аймактык бөлүмдөрүнө тексттерди мамлекеттик тилге которууда кеңеш берүү жардамдарын көрсөтүү;

         - Бишкек шаарынын мэриясынын жетекчилигинин тапшырмасы боюнча Бишкек шаарынын мэриясынын документтерин мамлекеттик тилге өз убагында жана сапаттуу которууну камсыз кылуу; 

         - Бишкек шаарынын аймагындагы жарнамалардын, көрнөктөрдүн, жарыялардын жана башка көрсөтмө маалыматтардын тексттерин мамлекеттик тилге которууда көмөк көрсөтүү;

         - Бишкек шаарынын мэриясынын аппаратына, түзүмдүк жана аймактык бөлүмдөрүнө мамлекеттик тилди өнүктүрүү боюнча иштерди жүргүзүүдө усулдук көмөк көрсөтүү;

         - Кыргыз Республикасынын “Кыргыз Республикасынын мамлекеттик тили жөнүндө” Мыйзамын ишке ашыруу боюнча Бишкек шаарынын мэриясынын аппаратынын, түзүмдүк жана аймактык бөлүмдөрүнүн иштерине талдоо жүргүзүү;

         - Кыргыз Республикасынын мамлекеттик тилин өнүктүрүү жана жайылтуу боюнча шаардык иш-чараларды, сынактарды уюштуруу жана өткөрүү.

4. Бөлүмдүн укуктары жана милдеттери

9. Бөлүм төмөнкү укуктарга ээ:

- Кыргыз Республикасынын мыйзамдарына ылайык, бөлүмдүн ишин камсыздоого багытталган келишимдерди, контракттарды, макулдашууларды жана башка документтерди түзүүгө;

- бөлүмдүн ишинин ченемдик укуктук базасын өркүндөтүү боюнча сунуштарды киргизүүгө;

- бөлүмдүн компетенциясына кирген маселелер боюнча комиссиялардын, атайын жумушчу топтордун иштерине катышууга;

- өз компетенциясына кирген маселелер боюнча жарандарды кабыл алууга, түшкөн сунуштарды, арыздарды жана дооматтарды кароого, алар боюнча керектүү чараларды көрүүгө;

- өз компетенциясынын чектеринде буйруктарды чыгарууга;

- Бишкек шаарынын административдик жана чарба жүргүзүүчү субъекттеринен бөлүмдүн иш чөйрөсүнө тиешелүү маалыматтарды белгиленген тартипте суроого жана алууга;

- мамлекеттик тилди өнүктүрүү саясатын ишке ашыруу үчүн, эл аралык уюмдардын жана мекемелердин каражаттарын, донорлордун гранттарын тартууга;

- бөлүмдүн компетенциясына кирген маселелер боюнча Бишкек шаарынын мэриясынын коллегиясынын ишине катышууга;

- бөлүмдүн иштери боюнча тийиштүү маалыматтарды жалпы маалымат каражаттарына жайгаштырууга.

10. Бөлүм төмөнкүлөргө милдеттүү:

- кызматкерлерге эмгектин коопсуз шарттарын камсыздоого жана алардын ден соолугуна жана эмгекке жарамдуулугуна келтирилген  зыяндуулук үчүн жоопкерчилик тартууга;

- мекеменин кызматкерлерин социалдык, медициналык жана башка милдеттүү камсыздандыруунун түрлөрү менен камсыздоого;

- ыкчам башкарууга өткөрүлүп берилген мамлекеттик мүлктүн сакталышын камсыздоого;

- башка милдеттерди белгиленген тартипте аткарууга.

5. Бөлүмдүн ишин уюштуруу

11. Бишкек шаарынын мэриясы бөлүмдү башкаруунун жогорку органы болуп саналат, ал мыйзамдарга ылайык бөлүмдү түзүү, бөлүм жөнүндө жобону бекитүү, ага өзгөртүүлөрдү жана кошумчаларды киргизүү, бөлүмдү кайра уюштуруу жана жоюу, бөлүмдүн түзүмүн жана штаттык ырааттамасын бекитүү, бөлүмдүн башчысын дайындоо жана бошотуу маселелерин чечет.

12. Бишкек шаарынын мэриясы бөлүмдүн ишине тийиштүү бардык маселелер боюнча чечимдерди кабыл алууга укуктуу.

13. Бөлүмдү Кыргыз Республикасынын “Муниципалдык кызмат жөнүндө” Мыйзамына ылайык кызмат ордуна дайындалуучу жана бошотулуучу бөлүм башчы башкарат.

14. Бөлүм башчы:

- бөлүмдүн ишин уюштурат жана жетектейт;

- бөлүмгө жүктөлгөн милдеттердин аткарылышы  үчүн жеке жоопкерчилик тартат;

- Бишкек шаарынын мэриясына белгиленген чектелген штаттык сандын жана эмгек акы фондунун чегинде бөлүмдүн штаттык ырааттамасын, түзүмүн жана иш тартибин бекитүүгө берет;

- бекитилген штаттык ырааттамага жана Кыргыз Республикасынын “Муниципалдык кызмат жөнүндө” Мыйзамына, Кыргыз Республикасынын  Эмгек кодексине ылайык, бөлүмдүн кызматкерлерин жана жумушчуларын кызматка дайындайт жана бошотот;

- бөлүм Бишкек шаарынын жергиликтүү өз алдынча башкаруу органдары, Кыргыз Республикасынын мамлекеттик органдары, коомдук жана эл аралык уюмдар, чет өлкөлүк юридикалык жана жеке жактар менен өз ара аракеттенишүүлөрдө болот;

- бөлүмдүн атынан ишеним катсыз келишимдерди түзөт;

- бөлүмдүн кызматтык милдеттерин жана башка ички документтерин бекитет;

- өзүнүн ыйгарым укуктарына ылайык, бөлүмдүн мүлкүн, акча каражаттарын кошуу менен башкарат;

- бөлүмдүн кызматкерлери жана жумушчулары тарабынан милдеттүү аткарылууга тийиш буйруктарды чыгарат; 

- Кыргыз Республикасынын мыйзамына жана Бишкек шаарынын мэриясы тарабынан бекитилген сметага ылайык, бөлүмдүн кызматкерлерине жана жумушчуларына карата сыйлоо жана жаза көрүү чараларын кабыл алат;

- Кыргыз Республикасынын мыйзамына жана өндүрүштүк зарылчылыкка ылайык, бөлүмдүн иш шарттамын белгилейт.

15. Бөлүмдүн башчысы иште жок болгон (убактылуу эмгекке жараксыздык, кызматтык иш сапар ж.у.с.) же бөлүм башчынын ыйгарым укуктары токтотулган учурда, анын ыйгарым укуктарын убактылуу, бөлүмдүн башкы адиси аткарат.

6. Бөлүмдүн материалдык-финансылык камсыздалышы

16. Бөлүмгө мүлк ыкчам башкаруу укугунда бекитилет.

17. Бөлүм Бишкек шаарынын мэриясынын макулдугу менен гана ага бекитилген мүлктү (негизги каражаттарды) тескөөгө укуктуу.

18. Бөлүмдү күтүүгө чыгымдары каржылоо төмөнкүлөрдүн эсебинен жүзөгө ашырылат:

1) Бишкек шаарынын мэриясы тарабынан бекитилген чыгымдар сметасына ылайык, шаардык бюджеттин каражаттарынын;

2) юридикалык жана жеке жактар тарабынан кайтарымсыз берилүүчү каражаттардын жана атайын каражаттардын;

3) Кыргыз Республикасынын мыйзамы тарабынан тыюу салынбаган башка кирешелердин.

7. Эсепке алуу жана отчёттуулук

19. Бөлүм өзүнүн ишинин жыйынтыктарын эсепке алууну жүзөгө ашырат, белгиленген тартипте бухгалтердик жана статистикалык отчётту жүргүзөт жана анын аныктыгы үчүн жоопкерчилик тартат.

20. Бөлүмдүн башчысы жана башкы бухгалтери эсепке алуу жана отчётту жүргүзүү тартибинин сакталышы, анын аныктыгы үчүн жеке жоопкерчилик тартышат.

8. Бөлүмдү кайра уюштуруу жана жоюу

21. Ушул жобого өзгөртүүлөрдү жана толуктоолорду киргизүү тартиби Кыргыз Республикасынын мыйзамы тарабынан белгиленген тартипте жүзөгө ашырылат. 

22. Бөлүмдү кайра уюштуруу жана жоюу Кыргыз Республикасынын мыйзамы тарабынан белгиленген тартипте жүзөгө ашырылат.